[size=18]
ســـــــــــــــــــلام
كيفكـــــــــــــــــم ياحلويــــــــــــــــــــن
اذا تبي توسع صدرك كمل المقال ههههههههههههه
هذا واحد طفش من شي اسمه مقاضي وبرد حرته وحرتنا معه ههههههههه
اترككم مع المقال
،،،
،،،
ياعااااااااالم قسم راحت حياتي اوراق صغيرة .. جيوبي مليانة .. كل ظهرية وبعد
صلاة العشاء ،،طيب يازوجتي العزيزة فيه شي اسمه دمج .. رئاسة تعليم البنات بكبرها
دمجوها .. ماتدمجين أنتِ ورقة مقاضي الظهر مع ورقة مقاضي الليل ونفتك من هالقلق
اليومي،،
المشكلة وش هي؟ .. المشكلة إني أقرأ طلبات مالها داعي بس مجبور أجيبها ..
دراق / طماط/ بقسماط/ برغل /ووووووو/ وآخرتها مانلقى على السفرة إلا كبسة وإن سوينا نفوسنا
كنديين حطينا فجل هههههههههههههه طيب هالبقسماط والصولجان وبقية الأسامي الصعبه لمين؟؟ طبعاً
لخواتك إذا جو يوم الربوع وأنا ياغافل لك الله طقني الجوع مع أبوشايع وأبوعبدالله وإن سوينا فيها
فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون
من خيري ومن تعبي ومطامري في البقالة مع ورقة المقاضي مرة سويت فيها ذكي وبعد ماقضيت
لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم
حاطين العشاء …يلعن أم الكااااارثه .. أخيرا شفت ورقة المقاضي صدق .. لقيتهم حاطين
سفرة بدايتها في المقلط ونهايتها عند ساسكو اللي ورا حلبان إلى درجة انهن حاطات سيكل جنب السفرة
علشان إذا وحدة بغت صحن من طرف السفرة يمديها تجيبه .. ولقيت لوحة مكتوب عليها
( السلطة على بعد 60 كلم ) ههههههههه قسسسسم بالله مافيه شي ماهوب على السفرة ماناقص
الابطل لبن .. ههههههههههههههه
المشكلة إن زوجتى تعاملني على أني ابلة تدبير وعندي خبرة وأنا والله ما أفرق بين
الملوخية والكزبرة
تقوم تكتب لي مرة في الورقة كيلو كنافة كذابة هههههههههههه قسم تروعت وش ذا
الكنافة الكذابة؟؟
أنا اعرف الصادقه يوم اعرف الكذابة.. واروح البقالة مالقيتها اتصلت بصديق قال رح لمحل
حلويات .. واروح وانسى اسمها واقول لراعي المحل عطني كنافه نصابة هههههههههههه ناظرني
باحتقار وعطاني اشكل بدل مايعطيني كنافة .. في الأخير رحت عنده وقلت ياااخي
معليش انانسيت
اسمها بس انها كنافة ماهيب مضبوطة يعني كنافة كافرة وبتروح النار ضحك قال قصدك كنافه كذابة
قلت ايييييييييه هذي بنت الكلب أبي منها كيلو .. زحمة وكنافة كذابة وآخرتها قطعة خبز لاعبين
علينا وحاطين عليها شيرةهههههههههه ..
وكله كوم ويوم خذت اختي في المدرسة طريقة عمل المكرونة بالبشاميل سرى يومنا ماغير ناكلها
إلى درجة ان ابوي اضافها في دفتر العايلة لأنها صارت جزء من العايلة ووحدة مننا الله يحفظ
الوالدة .. ورقة المقاضي حقتها ماتتغير علشان كذا مانرميها انا حاطها في المفضله لأنها هي نفس
الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل
بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله
وانا نفسي آكل شي جديد وخاصةً ذا اللي يقولوه اومليت الى درجة اني سكنت في فندق مرة علشان لقيت
في القائمة اومليت مادريت انه بيض الله يلعن ابليسهم المشكلة ماعندهم رحمه .. درجة الحرارة في عز
الصيف الف وأنت تطامر من محل إلى محل وبمعية سموك ورقة المقاضي لو تجيب العثيم كله وتنسى شي
بسيط قامت القيامة ولازم ترجع وأنت أصلاً شرير ولاعمرنا شفنا منك شي يابخييييييييييييل .. وياعيني
على استخدام التقنيه .. ورقة المقاضي صارت من العصر الحجري الحين تجيك المقاضي مسج
على الجوال والله إني ابغا اصيح اذا قريت رسايل جوالي ورسايل جوال اخوياي العزوبيه .. كل
رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك )
( الله على الجمس لولا وارد الستين ) << رسالة داخله بالغلط خويته ابوها شريطي هههههههههه
وانا تعال شف رسايلي ( حليب سريلاك .. ) ( ارجع بدري نبي موية ) ( وأنت جاي جب
اعواد اسنا ن ) اعواد اسنان في نص الليل الله من الاعذار بس وماقطع قلبي ونكد علي حياتي الا اذا طلبوا
تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون ..
تجيب رقاق الوردة قالوا نبي رقاق غوار .. تجيب صلصة قالوا نبي ماجي ..بس خل عنك والله صار
عندي خبرة ولاخبرة رابحة وأنا والله من أول كنت احسب البندورة هي البطاطس
ههههههههه
مناسبة هالموضوع اني رحت اليوم ومعي كالعادة رفيقة دربي ورقة المقاضي طولها
حوالي 7.12 متر ويوم دخلت العثيم والقا زحمة وانا اللي تصعب علي نفسي واتمرد
واشق ورقة المقاضي!!!
وارسل للمدام رسالة اقول لها اني تمردت وقطعت الورقة … جزاها الله خير
تفهمت الموضوع بصدر رحب وبشكل حضاري!!!! وهذا أنا اكتب لكم الموضوع من مقهى
ههههههههههههههههههه
لا لا أبد ماني مطرود بس أغير جو،،،(( كثرمنها )) هههههههه
منقول من ايميلي[/size]
mms